CONTENUTO DELLA PAGINA

CULTURA E TURISMO

CULTURA E TURISMO

Costùmene oroteddesu (Costume di Orotelli)

Su costamene oroteddesu est unu de sos prus sugestivos de sa Sardinna siat pro sos ornamentos siat pro sos colores allutos.

Su costùmene de sa fèmina est cumpostu dae su “mucadore” chi est o de tibet colore binu recramadu a manos. Tempus faghet sas fèminas su cucugiaiant sa conca cun una benda cramada “tiatzola”, fata de tela bianca, ruja o tabàchinu de mesu lutu e niedda de lutu cumpletu.

Sa “camisa” in tela bianca recramada a manos e fata a pinnigas in dae in antis, serrada in sos pursos cun butones in filigrana de oro, tìpicos sardos e manteca firma gratzias a su “zistillu”, chi est unu bustinu de belludu e seda chi astringhet in suta su sinu.

Su “zibbone” est una genia de giacheta in pannu ruju e velludu mìscrinu cun sas mànigas e dae su petus abertu essint sos isbufos de sa camisa.

Su “cansu” est sa sutaveste in cotone biancu.

Sa “este” no est àteru chi sa gonna de furesi o pannu nieddu cun sos òrulos bene recramados cun filos in oro de filigrana o finas pintados.

Costùmene oroteddesu (Costume di Orotelli)

antico costume femminile orotellese

Su costamene de sos òmines cumprendet sa “barrita” chi est unu bonete longu, a sacu, de pannu nieddu, sa “camisa” recramada a manos in su trugu e in sos pursos. Subra sa camisa si ponet su “zibbone” de pannu ruju e de belludu mìscrinu in ue dae sas mànigas essit a isbufu sa camisa.

In antighidade cando faghiat fritu subra su gibbone si poniat una giaca, de pedde o de pannu niedda, sena mànigas chi beniant cramadas “sas peddes” e subra de custas unu capoto curtzu de furesi cun su bonete chi beniat cramadu “su gabbanu”.

Sos “cartzones”, pantalones longos biancos si poniant in intro de “sas mesas cartzas” , chi sunt un ispètzie de mizas de furesi nieddas. Subra sos cartzones si ponet “sa gonnella”, chi est una gonna curtza a subra sos ghenugros, fata finas custa de furesi e cun pinnigas medas perpendiculares.

Costùmene oroteddesu (Costume di Orotelli)

antico costume maschile orotellese

Costùmene oroteddesu (Costume di Orotelli)

gruppo di uomini in costume


Torna all'inizio della pagina

AIUTI, SOTTOMENU DELLA PAGINA E ALTRE SEZIONI DEL SITO

Torna all'inizio della pagina